शांतवी राम कार्य करवुनी ॥

दुःख न होवो प्रभुस अपुल्या, चिंती हृदयातूनी ।

धन्य हा भक्त सु-भक्तातुनी ॥

ब्रह्मचर्य-राहणी अखंडित, वीर-वृत्ति धडकुनी ।

भिये ना कोण्या रिपुला मनी ॥

(अंतरा) भेटवी सीता रामास खांदी बसवुनी ।

देववी राज्य विभिषणा भक्त म्हणउनी ।

रावणादि रिपु नमविले गर्व हरवुनी ।

काय कीर्ति सांगु या वीराची ? वाणि न चाले पुरी ।

झळकला हिरा अंजनी - घरी ॥३॥

रामकार्य साधण्या, आधिच्या आधी पळतो पुढे ।

पाहता शत्रु मनी धडधडे ।।

भारतभूच्या तरुण लेकरा ! घ्याया ऐसे धडे ।

करा हनुमंत ! कार्य एवढे ।।

स्फूर्ति द्यावि हिंदुच्या मनी, हरवुनी भेद वाकुडे ।।

वेळ जरि आली असली पुढे ।।

(अंतरा) मागणे नसे दूसरे, अम्हा मारुती ।

परि ठेवा मंदिर, रामाच्या मूरती ।

ही वेळ दिसे विपरीत, भ्रष्टवी मती ।

तुकड्यादास म्हणे वर दे, तव घडो भक्ति अंतरी ।

झळकला हिरा अंजनी - घरी ॥४॥