(चाल: उठा गड्या अरुणोदय झाला...)

भू-दानाची, धन-दानाची, क्रांति सफल करण्यास चला ।

चला विरांनो ! गुणी-जनांनो ! सकळा झाला मार्ग खुला ।।धृ0।।

अपुली ही मालकी सोपवा, भूमीची धन-मालाची ।

करा कार्य मग निस्पृहतेने, पर्वा कसली कोणाची ? ॥१॥

सगळ्यांसाठी आपण म्हणुनी, आपणासाठी सर्व असे ।

हवे तसे घ्या, मागा समजुनी, जनतेचे कल्याण कसे ? ॥२॥

मीच नव्हे मम देश सर्व मी ही जाणिव सर्वात करा । 

तुकड्यादास म्हणे यासाठिच स्वराज्य आले घराघरा ।।३॥

                                -मुंबई दि. २८-०७-१९५३