(चाल: अगर हे ग्यान को पाना...) 

मराठे शूर-वीरांनो ! निकामा स्वस्थ  का  बसला?।

धैर्यबल खोवुनी सगळे, भिकारी दास का झाला?।।ध्व0।।

बघा इतिहास थोडासा, आपुल्या वाडवडिलांचा ।

शिवाजी शिवबा म्हणताना,रायगडि छत्रपति झाला ।।१।।

कधी शिवला न   भीतीला, रंगला   राजनीतीला ।

म्हणे दंडीन दुष्टाला, वाकविन थोर जरि असला ।।२।।

गर्जला सिंह जणु धावे, मिळविला तोरणा किल्ला ।

राष्ट्रिचे दास्य खंडूनी, सुखी  केले  जना  सकला ।।३।।

शोभते का तुम्हा ऐसे, तयाचे  वंश  म्हणवोनी? ।

प्राण द्या राष्ट्र-सेवेला, भितीने भ्याड का झाला ? ।।४।।

अहो ! मरणे अणि जगणे, दोन्हिही सारखे अपणा ।

तो तुकड्यादास सांगतसे, चमकुनी प्राण द्या अपुला ।।५।।