(चाल: तेरे द्दार खडा एक जोगी...)

माझ्या घरात पाहुणा आला । 

अन्न नसे तिळभरी खावया,जाऊनि मागु कुणाला ।।धृ0।।

शेजारीपाजारी पाहती, विचारपुस कोणी ना करती ।

दिसुनि दैना त्यांना ।

मानवतेचे नाते खुंटले, आपुलकीचे धागे तुटले,

पुसे न कोणि कुणाला ।।१।।

गाव कशाचे ?स्मशान सगळे,सहकार्याचे कुठे उमाळे ।

प्रसंग ऐसा आला ।।

प्रेमाने कोणी बोलेना, स्वार्थासाठी कष्टति नाना

नीती   गेली  लयाला ।।२।।

सांगा मग मी काय करावे ?, कसे जगावे आणि जगवावे ?

धर्म पारखा झाला ।।

तुकड्यादास म्हणे बघवेना, परस्परांची ऐसी दैना,

आता  लाज  प्रभूला ।।३।।