(चाल: दिन चार घडीका जीना...)

आम्ही भजन करू हर्षाने,खंजरी टाळ तारीने ! ।।ध0।।

सर्वांचा मेळ मिळवुनी, अति स्वच्छ भूमि पाहोनी ।

लक्ष ठेवू शब्दार्थाने , खंजरी टाळ तारीने ! ।।१।।

रांगेत बसू येवोनी, सद्भाव मनासी धरुनी ।

उन्नतिचे गाऊ गाणे, खंजरी टाळ तारीने! ।।२।।

आचार शुध्द ठेवोनी, अम्ही सदा राहु निर्व्यसनी ।

सेवाची करु जिवप्राणे, खंजरी टाळ तारीने ! ।।३।।

सद्भाव ठेवुनी अंगी, रंगुया भक्तिच्या रंगी ।

तुकड्या म्हणे उध्दरु तेणे, खंजरी टाळ तारीने! ।।४।।