(चाल: भैय्या मेरे राखी के..)

भक्तिविणा, उध्दार नाही कुणाचा, भक्तिसाठी निर्धार पाहिजे मनाचा ।

ऐका हा भाव जिवाचा, जिवाचा ।।धृ0।।

हे ऐकाना संत पुरावे, अनुभवियांचे अनुभव घ्यावे ।

शांति-सुखाचे आगर बरवे, आपण तरूनी दुज्या तारावे ।

तोडिल फास यमाचा, यमाचा ।। भक्तिविणा, उद्भार0 ।।१।।

तरण्यासी भवसागर सगळा, अवघड हा षडरिपुचा मेळा ।

पार कराया,या कळिकाळा,नाही दुजा कुणि मार्ग निराळा ।

निज संदेश शिवाचा, शिवाचा ।। भक्तिविणा, उद्धार 0।।२।।

तुकड्यादास म्हणे ऐकाना,नित्य प्रभूचे भजन कराना।

व्यसने सगळी सोडूनि द्याना,सरळपणाचे जिवन जगाना ।

लोभ करा सर्वांचा, सर्वांचा ।। भक्तिविणा, उद्धार 0।।३।।

-गुरुकुंज आश्रम, दि. १0-0७-१९५९