कुणास ठाऊक नाही असे ?
(चाल: नका विचारू देव, कसा ?. ..)
कुणास ठाउक नाही असे ?
तू भक्तांचे मनि विलसे ।।धृ0।।
कोणाची तरी करशिल कामे ।
तुजला गमतची नाही रिकामे ! !
धुंडाळित तू राही सदाचा !
संकट होईल दूर कसे ।।१।।
चोख्याची ओढूनीया ढोरे ।
गोऱ्याची वाचदिली पोरे ।।
जनी-संगे दळणे दळूनी ।
कबिराचे घरि विणीतसे ।।२।।
दामाजीची हुंडी देशी ।
तुकयासाठी अन्न पुरविशी ।।
एकनाथांच्या घरचे पाणी ।
पखाल भरुनी वाहतसे ।।३।।
आजहि भक्तांच्या संकष्टी ।
कोण दुजा येतो जगजेठी ?
तुकड्यादासा तुझा भरवसा ।
घडी-घडी मज हेचि दिसे ।।४।।
- गुरुकुंज आश्रम, दि. ०३ - ११ - १९५९