(राग: मिश्र काफी, ताल: तीन ताल)

भाग्य कुणाला लाभे   ऐसे ?

सद्गुण कार्या वेळ जातसे ! ।।धृ0।।

कधि नच घडते व्यसनाधिनता ।

जो-जो भेटे त्यासि नम्रता ।।

चित्त  रंगले    नामस्मरणी - 

निर्मळ सरळ स्वभाव जयाचे ।।भाग्य0।।१।।

अंतर-बाह्य शुध्द राहणी ।

मयदिची    प्रेमळ   वाणी ।।

सकळ कळे परि गर्व न अंगी -

कर्ण न घेती   दोष   कुणाचे ।। भाग्य0 ।।२।।

असंग्रही, परि त्यागी जीवन ।

सदा-सर्वदा    विवेक - चिंतन ।।

तुकड्यादास म्हणे ज्या कळले

ते  लोभी   होतील    प्रभूचे ! ।। भाग्य0।।३।।

                         -गुरुकुज आश्रम, दि. 0७-१९-१९६१