(चाल: विकत घेतला श्याम...)

का म्हणता बाई ! फुकट घेतला ?

दिला न काही दाम ।

उगिच का घरि आला घन:शाम ? ।।धृ0।।

अमोल जीवन सौंदर्याचे ।

लक्ष वेधिते तरि कितिकांचे ? ।

श्याम दर्शना जीवन दिधले -

स्वरुपि वाहिला काम ! ।।उगिच का0।।१।।

देहभान सगळे विसरोनी ।

तुच्छ जगाची लाज त्यजोनी ।।

वेडिपिसी त्यासाठि जाहले ,

किति हे तप निष्काम । उगिच का ? 0।।२।।

पति म्हणो दे डाकिण-शाकिण ।

सासू-सासरे वटति बोचुन ।।

खंत न धरता तिळ तयाची -

देह दिला प्रभु दान ! । उगिच का ? 0।।३।।

तुकड्यादास म्हणे ह्या  गाठी ।

जन्मांतरिच्या असतिल भेटी ।

म्हणोनीच हा ये जगजेठी -

करण्या घरचे काम ! ।।उगिच का ?0।।४।।

                                       -देवळी, दि. १४-११-१९६१