(चाल: कुणी म्हणती स्वराज्य...)

कल्पना कशी तुज नाही ? गावत माजली दुही।।धृ0।।

कुणी कुणा बोलेना धड । सारे करिति व्यर्थ बडबड ।

कोणि ना कुणाला ग्वाही । गावात माजली दुही ।।१।।

गावाच्या चहू बाजुनी । अति घाण पसरली जुनी ।

झाडिना कुणी उत्साही । गावात  माजली  दुही ।।२।।

ना मानपान राहिला ! मतमताचाचि गलबला ।

गरिबांची कदर ना काही । गावात माजली दुही ।।३।।

तू तरुण वाटतो सुदा ! पण काय तुझा फायदा ?

जा सुधर गाव लवलाही । गावात माजली दुही ।।४।।

तुकड्याचि ऐक बातमी । घे    सेवेसाठी   हमी ।

अता तरी सतत जा रही । गावात माजली दुही ।।५।।

                                 - जबलपूर, दि. 0३-१२-१९५४