(चाल: अगर हे ग्यायको पाना...)

भारताच्या सुपुत्रांनी । निकामी स्वस्थ का बसला ?

धैर्यंबल खोवुनी सगळे, भिकारी दास का झाला? ।।धृ0।।

बघा इतिहास थोडासा, आपुल्या वाडवडिलांचा ।

शिवाजी, शिवबा म्हणतांना, रायगडी छत्रपति झाला ।।१।।

कधी शिवला न   भीतीला, रंगला   राजनीतीला ।

म्हणे दंडीन दुष्टाला, वाकविन थोर जरि असला ।।२।।

गर्जुनी सिंह जणु गेला, मिळवला तोरणा किल्ला ।

राष्ट्र-परदास्य सोडूनी, सुखी केले जना  सकला ।।३।।

शोभते का तुम्हा ऐसे ? तयाचे     वंश   म्हणऊनी ।

प्राण द्या राष्ट्रसेवेला, भीतिने भ्याड का झाला ? ।।४।।

अहो ! मरणे अणि जगणें, दोन्हिही सारखे अपणा ।

तो तुकड्यादास सांगतसे, चमकुनी प्राण द्या अपुला ।।५।।