(चाल: संसाराचा बोझ वाहता...) 

धर्म लयाला जातो म्हणुनी, रामकृष्ण हरि आला ।

सगळ्या जनतेशी बोला ।।धृ0।।

एकाचे अवतार तिघेही, एके ठायी आले ।

दास टेकडीवरती बसण्या, अति उत्सुक ते झाले ।

संत तुकाचा मंत्र गोड हा-

पुन्हा पुन्हा जपण्याला ।। सगळ्या0 ।।१।।

पंढरपुरची वारी करण्या, लांब लांब का जाता ।

इथेच येउनि सदा बसावे, वाटतसे भगवंता ।

चला चला गुरुकुंज बघाया-

शांती    देई    मनाला ।। सगळ्या 0 ।।२।।

अध्यात्याचे केंद्र असे हे, संत महंत  वदताती ।

दानाचे अती महात्म्य येथे, पाप तापही जाती ।

अखंड दानी, अखंड यात्री-

मिळताती  तुकड्याला ।। सगळ्या0 ।।३।।