(चाल: पायल की झमकार रस्ते स्स्ते...)

नामाचा बाजार, संतादारी ।

अमृताची  धार, संतादारी-

प्रेमाचा व्यापार, चाले भारी ।

अमृताची   धार, संतादारी ।।धृ0।।

घेणाऱ्याची गर्दी दिसे पण वेळ नसे खाली ।

भरला दरबार भासे, जनता आतुर झाली ।।

देती घेती जे ईमान, संताचे प्रमाण -

सर्वांशी चढली तारी, संतादारी । नामाचा0।।१।।

संत प्रेमाचे    माहेर, सगळे   जाणे । 

त्यासी शरण जावे लागे, जीवे प्राणे ।।

अभिमान लोभ घाण, दिले दान,

धरली      वारी,      संतादारी । नामाचा0 ।।२।।

संत संग ज्यासी, घडे   नरदेही ।

पुन्हा त्यासी जन्म - मरणचि नाही ।।

तुकड्यादास म्हणे, ऐका आनंदाने,

आता दिवस चारी, संतादारी । नामाचा0 ।।३।।