(चाल: तू येशिल केव्हा तरी...) 

बंधुनो ! प्रार्थने चला, जागू या, अपुल्या माणुसकिला ।।धृ0।।

सुखशाति व्हावया  जना ।

करु भाव धरूनि प्रार्थना ।

हा    विश्वधर्म  आपुला । जागु  या 0।।१।।

किति पंथ भिन्न जाहले !

येणेचि   राष्ट्र    नाशले ।

हा मिटवु अता गलबला । जागु या0।।२।।

अम्हि सर्व एक होउनी ।

जातीय वृत्ति   सोडुनी ।

वाढवू    गुणांची   कला । जागु  या0।।३।।

जो सकल जगा निर्मिता,

लाभण्या मंत्र   सत्यता ।

हा बोध ऐकण्या खुला । जागु  या0।।४।।

तुकड्याचि हाक ऐकण्या ।

सुखदुःख प्रभुस सांगण्या ।

हा वेळ भला लाभला । जागु  या 0।।५।।