(चाल: चला बाई पांडुरंगे पाह वाळवंटी...)

मंडळाच्या सेवका सेवाभाव   सोडि   ना ।

विघ्न किती येवो तरी, खेद मना मानि ना ।।धृ0।।

भारताचे पुत्र अम्ही, नांदु   एक    होउन ।

जातपात नाही आम्हा, मानवा सि सोडुन ।

प्रार्थनेच्या रंगी रंगू, हीच   करू   याचना ।।१।।

शेतकरी कामकरी, होउनि     गोपाल ।

गायी राखू, काम शिकू, यातची निहाल ।

गुरुदेव-मंडळासि, तोडविता   तोडि   ना ।।२।।

गावकरी एक होऊ, रामधुनी   जावया ।

झाडयूड करु सारे, मार्ग स्वच्छ दावूया ।

एक स्वरे गाउ सारे, धन्य म्हणवु आपणा ।।३।।

व्यायामासि जाउ सारे, साजवू मैदान ।

सानथोर मिळूनिया, व्हावया बलवान ।

देश शक्तिवान करू, हीच  धरु   भावना ।।४।।

उद्योगासि घरोघरी, हर्षवुनी लावुया ।

स्वावलंबी वृत्ति धरु, आणिकांसि दावुया ।

दास तुकड्याची हाक, ऐक गड्या ! ऐकना ।।५।।