(चाल: अवताराचे कार्य कराया...)

भारतियांनो ! गोवंशाची शक्ति, प्रीति विसरला का ! ।।धृ0।।

गायींचे  उपकार   म्हणोनी,

जिवंत तरि आपण अजुनी । 

फेड म्हणोनी वधण्या तिजला,कसाब हाती धरला का ? ।।१।।

लाखो गायी कत्तल होती,

उरतिल  का   शेतीसाठी ?

बैल कशाचे मिळती तुम्हा,विचार तरि हा उरला का ? ।।२।।

देश आपुला गोवंशावर,

शेतीवर जगला फुगला ।

गायी बैल जव नष्टचि होतिल, शेतकरी मग तरला का ? ।।३।।

पाळुनि अपुल्या घरी गायिला,

दूध - दही    द्या   मुली - मुलां ।

निपज करा उत्तम बैलांची, मार्ग असा अंतरला का ? ।।४।।

दया न ये तरि लाज वाटू द्या,

गायि    कसाबा   देउ   नका ।

तुकड्या सांगे शेति बुडाली, गर्व न अजुनी जिरला का ? ।।५।।