मोहन गेला सोडुनी ( गांधी गीतांजली )
(चाल-रघुवर तुमको मेरी लाज...)
मोहन गेला सोडुनी ।
अति झाली जगाची हानी ।।धृ0।।
देउनिया नवटृष्टि भारता ।
दावुनि मानवतेच्या पंथा ।।
स्वतंत्र करून देश आमुचा,
केले सगळ्या गुणी ।।१।।
सत्याकरिता केली तपस्या ।
सोडूनि सर्व प्रलोभन-आशा ।।
विश्वासुनिया देवावरती,
लिन झाला प्रार्थनी ।।२।।
अमर कीर्तिंचा दिवा उजळला ।
रुढिप्रिय अंधार निरसला ।।
तृकड्यादास म्हणे सत्याचा,
मंत्र जगा दावुनी ।।३।।