(चाल : अगर है ग्यान को पाना...)

पहाता काय लोकांनो, जवळ ही, लाभली  काशी ।

कशाला धावुनी जाता, उभा हा खास अविनाशी ।।धृ0।।

तिथे  पाषाण   शोधावा, इथे   प्रत्यक्ष   ओलावा ।

दोन्ही ही पावती भावा, अनुभवा  येत  सकळासी ।।१।।

संत हा प्रगट शेगावी, हजारो   लोक    गाताती ।

चला जाऊ तया शरण, चुके  चौऱ्यांशिची  फाशी ।।२।।

कसोटी उतरला भक्ता, गजानन ! संत योगी हा ।

लाभला कीर्तिचा साचा, सांगती दास अणि दासी ।।३।।

समाधी भासतो जागा, दिसे   जागेपणी   विरला ।

म्हणे तुकड्या धर ग्यानी,दिसे साक्षात गुणराशी ।।४।।