या रे या , मजुरांनो ! या ,

जमिनदारांनो ! या, सावकारांनो ! या ,

करु खेड्यांची सुधारणा काही हो ।।धृ0।।

ज्यांचे राबतील बाहू,त्यांना जमीन देऊ

येरां भूमीचि मालकि न काहि  हो ।।

जो धंदा करिल, तोच पोट भरिल ।

कोणि भिकारि ठेवायचा नाहि हो ।। या रे या0।।१।।

सारे काम करु, ना काळा   डरू ।

आमुच्या गावात घाण नसावि हो ।।

करु मार्ग सुंदर, बांधू विहिरी-नहर ।

कुडा-कचगरा मुळि दिसायचा नाहि हो ! ।। यारे या0।।२।।

गावि बांधू शाळा, करू सुंदर मळा ।

गुंडगिरी नि    चोरी    नसावि    हो ।।

ऐका तुकड्याची हाक सांगा सर्व लोकात ।

आता उशीर  करायचा  नाहि  हो ।। या रे या 0।।३।।

                                     - पंढरपुर, दि.२२-0७-१९५३