(चालः अगर है ग्यान को पाना..)

कृपा कर जानकी-नाथा ! तुझे मायेत  घाबरलो ।।धृ०।।

सुचेना तू कुठे बसला ? कि भक्ता सारथी झाला ?

करी आता मला धाला, गुणातित नाम तव हरलो ।।१।।

चढे मद, कामना सगळी, न मुरली आतची काळी ।

चरणी लावीन गा ! भाळी, कृपादानीच मी तरलो ।।२।l

उठे वृत्ती नसे भक्ती, जी ! नाही भक्तिची   शक्ती ।

मिळे केवी मला मुक्ती ? विषय-पाशात सापडलो ।।३।।

जगी तुजविण कीव कुणा ? करु कवणाचिया स्मरणा ?

म्हणे तुकड्या करी तरणा,मनी मानी न गुणि भरलो॥४।।