(चाल: अरे हरि ! प्यालो प्याला नामाचा.. )

येउ दे दया, दया विठाबाई ! त्रिविध मज न सोसवे आई ! ॥धृol।

नामी तारिले, भ्रष्ट रोगि नष्ट । वाटतो मीच तुला दुष्ट ।

बाळ नावडे, पाजी जहर-प्याला । तुझा अन्याय खरा केला ।

पातकी असा, धाव गे त्वरे माई ! ।। त्रिविध0॥१॥

ऐकुनी बोध, सुबोध संतांचा । त्रास वाटे ग प्रपंचाचा ।

मिळेना अन्न, गेला वेळ बाळपणचा I उमाळा कामक्रोधाचा ।

सुचेना काही,   श्रीकृष्णाबाई  ! ॥ त्रिविध ०॥२॥

असंख्यहि भक्त, तारिते ग ऐकोनी। आलो धावत मी चरणी।

पातकी जरी, तव बाळ जगज्जननी ! म्हणविसी जगी मोक्षदानी ! ।

शरण मी जाऊ, कुणा रखुमाबाई ! ।। त्रिविध0||३॥

नको जग-ताप, ताप सोसवेना । कृपादृष्टिने पाहि दीना ।

कासावीसअति, माय गे ! बोलवेना । पाजी माणिकासि पान्हा

गे मागे काही, लोळिन तव - पायी ॥ त्रिविध0।।४॥