(चालः कर में चक्र उठाते हैं भारत में....)

निरंजन दत्त निर्विकारी । काय वर्णु मी त्याची थोरी ? ॥धृI|

सहा हात ते अणि तीन शिरे ।

खचित जयाला हे शोभति रे !

दंड - कमंडलु घे   हाती   रे ।

बालक बुडता त्या  तारी । काय वर्णु मी0 ।।१।।

अनसुये पोटी देह धरुनी ।

समागमे गो-श्वान करुनी ।

काखे झोळी, टिळक वरुनी।

जटा मस्तकी, त्रिशुलधारी । काय वर्णु मी0।|२।।

पायि खडावा चटचट करिती ।

महंत-ऋषि ते तुजसी स्मरती ।

कृपा कटाक्षे भक्त   उध्दरती ।

रुद्रमाला   चक्रहि   भारी । काय वर्णु मी0 ।।३|।

अवधुत-मूर्ती शोभे बरवी ।

नामस्मरणे पापी    तरवी ।

तुकड्यादास बहुत गौरवी I

करी दासाला भव - पारी । काय वर्णु मी0 ।|४l।