(चालः इश्क तेरे पासमें तू..)

आडकोजी - चरणाचा मजला आधार रे ! I

नेत्र-आंधळ्यासि जसा काठिचा सहार रे ! ॥धृ०l।

जप-तप-नेमादि करुनि ना मिळेचि धूळ ही ।

चरण एक हृदयि धरुनि होइन मी  पार  रे ! ॥१।।

साधन ना सद्गुरुविण थोर या  कलीयुगी ।

करिताचि स्मरण गुरु जाळि पाप- भार रे ! ॥२।।

अंतकाळि जव येईल चोर प्राण न्यावया ।

ज्ञानखड्ग घेउनिया सुखे त्यासि मार   रे !  ll३॥

दावि मार्ग कोण दुजा सद्गुरुविना असा ?

तुकड्या म्हणे अंधासहि दृष्टि देइ सार  रे ! ।।४।l