(चाल: क्यों नही देते हो दर्शन..)

दे हरी ! भेटी मला, मम प्राण व्याकुळ  हा  जाहला ॥धृ॥

सोडुनी मायबाप सारे, लागलो कासे तुझ्या रे !

त्यजुनि व्यवहारा जगाच्या, जीव तव द्वारीच आला ॥१॥

न रुचे माया-लोभ-आता, तारि येऊनि लक्ष्मीकांता !

दावि चरणा हे जगत्राता ! दास हा तव व्यर्थ  गेला ।।२।।

भक्त बहु तव सृष्टिमाजी, धरिले का कवणे हृदया जी !

प्रेम- पान्हा पाजि - पाजि, देह  चरणी    वाहिलेला ॥३॥

गुन्हेगार मी तुझा खरा रे ! माफ करि-गुण अवगुण सारें I

देई तुकड्यासी आसरा रे ! काम-क्रोध तो बुडाला ।।४॥