(चाल: रमला कुठे ग कान्हा..)

मन ना रमे हरि - पायी, करु काय सुचेना काही ॥धृ०।।

तीर्थाटन करुनी आलो, बहु देश-विदेशी फिरलो ।

शांति जरा मुळि नाही ।। करु कारय 0॥१।।

एकांती बसलो ध्यानी, लावुनी समाधी स्थानी ।

परि चंचलपण ना  जाई ॥ करु काय 0ll२ll

बहु शास्त्रे वाचन  केले, कीर्तने-भजन ऐकिले ।

तरि बोध तयाला नाही ।। करु काय 0।|३।।

साधुच्या अखाडी गेलो, पंथ-मती वावरलो ।

शंका न मनाची  जाई ।। करु काय 0 ।।४।l

तुकड्या म्हणे काय करावे ? कोणाला काय पुसावे ?

सदगुरु विना गति  नाही ।। करु काय0।।५॥