(चालः गर्भिणी होति एक हरणी..)

ये धावत सखया रामा ! भक्त-विश्रामा ! पूर्ण दयाळा !

का नये दास - कळवळा ? ॥धृ०ll

सोसिता आपदा बहू , धीर किति ठेवू ? त्रास बहू झाला l  

रे  गरूडावर भेटिला ॥

सोडूनी प्रपंच स्थान धरियेले चरण, वाटते भीती l

अंति काय होईल   स्थिती ?

राहसी जरि क्षिरसागरी हो !

येउनिया मजला तारी   हो !

गरुडावर करुनी स्वारी हो !

हे प्रभु ! रक्षि या बाळा । का नये दास ।।१।।

ही माया दुस्तर सारि, फोडि हुंबरी सोडविल कोण ?

की त्यजू  आपुला    प्राण ?

आला द्रौपदिचे  कामा   हो !

नेली गणिका निजधामा हो !

उध्दरलि अहिल्या रामा हो !

दाविला मार्ग जरि गुरुनं, तुजला स्मरुन, हरुन बाषकळा 

तुकडयादासा     तारि      घननिळा ! ॥२॥