( चाल : डोळे मोडीत राधा चाले . . . ) 

प्रभू माझा पूर्ण विसावा । 

त्या स्मरीन सदा जिव - भावा हो !  llधृ०॥ 

क्षणिक सुखाचे धन जन सारे,स्री-पुत्रादिक गण - परिवारे । 

हा    देती   संत  पुरावा   हो ! ॥ प्रभू माझा० ॥१॥ 

सगळे जन हे पाहती सुखाला , परि सुखमार्ग कळे न कुणाला

म्हणुनी हा मंत्र जपावा हो ! ।। प्रभू माझा० ॥२॥ 

देहादिक हे अणिकचि साथी , जन्मोजन्मी प्रभू सांगाती । ओळखुनिया तो   घ्यावा   हो  ! | | प्रभू माझा ॥३॥ 

तुकड्यादास म्हणे प्रभु स्मरणे , चुकविल मग चौऱ्यांशी धरणे

 भवसागर पार कराया हो  ! । । प्रभू माझा० ॥४॥