बहु झाली हळहळ , बडबड ऐकली अम्ही
( चाल : कैद में है बुलबुल . . . )
बहु झाली हळहळ , बडबड ऐकली अम्ही ।
मना लागे तळमळ , ही खळखळ करा कमी ।।धृ०॥
भोग सुख - दुःखे ही जन्मवरी चुकेना ।
अधिक वाढतिल तरी , जन्म - मरण मुकेना । ।
केले असेल जे जे ते चित्रगुप्त सोडीना ।
भोगल्यावाचून काही केल्या पाप मोडीना । ।
सर्वची कबूल , याचसाठी देतो हाक मी ।
मना लागे तळमळ ही , खळखळ करा कमी ।।१।।
सरळ जीव व्हावा नि सरळ व्यवहार हा ।
इहलोक - परलोक सहज व्हाया उध्दार हा । ।
श्रमानेची भेटो परी व्हावा उद्धार हा ।
दुःखरुप संसार , नको वारंवार हा । ।
तुकड्यादास म्हणे , प्रभु मागतो वरदान मी ॥२॥
- घुडनखापा , चार्तुमास दि . २० - ०९ - १९५९