( चाल : बनबकी बनवासी रे . . . )

बलबल छलबल का करतो ? भोगासाठी मरमरतो ? 

त्यागावाचुनी कीर्ति कुणाची ! ॥ धृ० ॥

चारित्र्याने वाग म्हणावे , तिळभर काही ऐकेना । 

मनात येता खावे - प्यावे, केल्यावाचूनी राहवेना । । 

बेछूट हो ऐशा इसमांना , भिती   नसे   जन - लोकांची ॥ १ ॥ 

खोटा करुनिया व्यापार . पैसा कमवी भराभर ! 

बसावया मग मोटर - गाडी , जरतारी अंगावर ! ! 

लोक पाहनि हसति , म्हणती -  सारी कमाई पापाची  ! ॥ २ ॥ टिंगल करिती भर रस्त्यावर , गावातिल दिन दुबळ्यांची । 

दानाची जर वेळ पडे तर हा कैसा पडतो काची ! ! 

तुकड्यादास म्हणे  ऐशांना , कुठली    भेटी   देवाची ! ॥ ३ ॥ 

                - घुडनखापा दि . २९ - ०९ - १९५९