( चाल : चौदवी का चाँद हो . . . ) 

आवडीचा नाथ तू , तुझा रे अनाथ मी । 

घाल भीक दर्शनाची , देइ मला साथ  तू । । धृ । । 

तूच तू मनात ये , कोणी दुजा नसे । 

चित्त चिंतनी तुझ्या , निज ध्यास होतसे । । 

लोटू नको दूर   अता ,  या      दीनास    तू ॥ १ ॥ 

जन्म - मरण दुःख हे , अता नको पुन्हा । 

कळली मनासी अता , घनघोर यातना । । 

म्हणुनीच तुझे पाय मी , धरिले  प्रमाण   तू ॥ २ ॥ 

सर्व सुखाचा धनी तू , दूसरा नसे कुणी । 

निश्चयासी घेउनी , बसलोच शांत मी । । 

तुकड्यादास दर्शनी तुझ्या , ठेवी निवांत तू ॥ ३ ॥