(चाल : घटा घनघोर घोर...)

काय उभा बोलना शीन कसा येईना ?

अजुनि का पाहिना ?

विठोबा । धीर अता राहिना रे । ॥धृ०॥

दौपदिला तू वस्त्र पुरविले संत सांगती ऐसे ।

आज जगाचे हाल पाहता न सुचे तुजला केसे ?

अन्न कुणी देईना हाक कुणी घेईना 

अजूनि का पाहिना ?

विठोबा  !  धीर अता राहिना रे  ! ।।१।।

कुलधर्माची परंपरेची लाज पाहते जाया I

भक्तिमार्गही न रुचे लोकां काय सांगु यदुराया ।

दुःखविती भावना भक्ति करू देईन 

अजूनि का पाहिना ?

विठोबा  ! धीर अता राहिना रे ! ॥२॥

पुढे काय करशील कळेना काय काय होता हे I

तुलाच सगळे कळते सगुणा ! काय होय की नोहे I

तुकडयाची भावना क्लेश अता साहिना 

अजूनि का पाहिना ?

विठोबा ! धीर अता  राहिना   रे ! ॥३॥