(चाल : वनवासी राम माझा.. )

आवडला देव ज्याला त्याला कोणते उणे ? ॥धृ0॥

करिल कल्पना ते पावे क्षण न लागता फल यावे ।

काय हे कुणा सांगावे अनुभवाविणे ! ॥१॥         

त्याग वासनेचा केला ब्रह्मरुप तोची झाला ।

भोग- भाव कैचा त्याला आवडे मने ? ॥२॥

शांतता मनासी आली विषय-वासनाही निमाली ।

पूर्णता जिवाची झाली आत्म - तर्पणे ॥३॥

सकल सृष्टि त्याची झाली भेद भावनाच उडाली ।

पावला जिवे वनमाळी साधले   जिणे ॥४॥

रंगी रंगला तुकडयाच्या भावनात ज्यांच्या त्यांच्या ।

दूर ना असुनि कोणाच्या प्रगट  चिंतने ॥५॥