(चाल: लेके पहिला पहिला प्यार.. )

आला चालतांना शीण तुला पाहता रात्रंदिन ।

झालो जीवनी उदास जैसा पाण्याविणा मीन ॥धृ0॥

कासया करावे जप - तप वाटे ?

आजवरी केले तरी प्रभु का न भेटे ?

कोणा मागावे हे दान कोण देईल वरदान I

झालो जीवनी उदास 0 ॥१॥

संती सांगितली मात देव ठायी ठायी ।

परि अभाग्यासी कैसा तो कळला नाही ?

कोण देईल हे ध्यान ? व्हाया मना समाधान ।

झालो जीवनी उदास 0 ॥२॥

एकांति लोकांति बसलो जाऊन ।

केली उपासना मन व्हावया उन्मन ।

म्हणे तुकड्या कंठी प्राण आला कोणी द्या जीवदान I

झालो   जीवनी   उदास ॥३॥

प्रवास दि.२१-०३-१९५७