(चाल: पतीत पावन नाम...)

का धरिशी मनि कोप दयाळा ! वद गिरिजा - रमणा ! ।

नको दुरावू दीन अभाग्या, घे अपुल्या चरणा ॥धृ०॥

तात-मात-गणगोत तुझ्याविण, कोणि नसे वाली ।

का लोटियशी निष्ठुर होउनि, कृपणा   वनमाली ! ।।१।।

सोडुनिया तव चरण दयाळा ! जाउ कुठे रानी ? ।

निर्बळासि भय दावुनि म्हणशी मजला नच मानी ।।२।।

नको मला हा प्रपंच - भारा, तुझ्या मायिकांचा ।

येउनिया  दे   भेट   कृपाळा !   निश्चय   अंतरिचा ॥३॥

भक्त-काम-कल्पद्रुम म्हणविशि, वेद- मुखेकरुनी ।

तुकड्याची ही आशा पुरवी, भव ने   हा    हरुनी ।।४॥