( चाल - क्या जाने अमिरी , गरिबी का मजा क्या है . . . ) 

आटापिटा करोनियाहि बांधले घरा ! 

कळले , उगीच व्यर्थ कासयास हे करा ? | | धृ० ॥ 

ही हौस पुरी होते का सर्व बांधता ? 

की , अधिक वाढते मनाची व्यर्थची व्यथा ? 

दिसला न कुणी ऐसा मज शांतिचा पुरा ! ॥ १ ॥ 

ही सर्व घरे अमुची समजुनि रहावे । 

होईल तशी सेवा , सदभावे भरावे । । 

सत्कीर्ति भव्य मंदिरेचि उध्दरी नरा ! । । २ । । 

या संग्रहाचि नीती ना थोडीहि बरी । 

चोरी करावयाचि बुध्दि होतसे वरी । । 

म्हणुनीच सांगतो गडे हो ! धीर घ्या पुरा ! । । ३ । । 

ऐकाल तरी ऐका निष्काम रहावे । 

सत्कार्य करित जावे , उपकार करावे । । 

तुकड्या म्हणे , ही वचने हृदयासि वापरा ! ॥ ४ ॥ 

- तिवसा , दि . ०५ - ११ - १९६१