( चालः तुझिया निढळी कोटी . . . ) 

कोटि - कोटि दीप तुझिया जळति अंतरि । 

बघशी काय बाहेरी सुजना ? | | धृ० ॥ 

वृत्ति ऊर्ध्व करुनी पाहे , झरा अमृताचा वाहे । 

वाद्य वाजती सुंदर ही , घोळ झांजरी । 

बघशी काय बाहेरी , सुजना ? ॥ १ ॥ 

गुंगवितो सोहंवीणा , समाधी सुखाच्या स्थाना । 

दिव्यदृष्टि लाभे जपता , आजपा पुरी । 

बघशी काय बाहेरी , सुजना ? ll २ ।। 

सकळ तीर्थ जागी वंदी , आपुल्याच लाभे छंदी । 

विश्वदर्शनाची संधी , लाभते खरी । 

बघशी काय बाहेरी , सुजना ? ll ३ ॥ 

तूच देव  ऐसे आहे , तत्व शोधुनिया पाहे । 

विनवि दास तुकड्या , तुझि ही वृत्ति सावरी । 

बघशी काय बाहेरी , सुजना ? ll ४ ll

         - पचमढी , दि . १९ - ११ - १९५४