(चाल-अगा सगुणा निर्गुणा)

आधी बीज, मध्ये बीज, शेवटी बीज रे ! निर्मळ ।

                              तैसे ब्रह्म सर्वकाळ ॥धृ०।l

निराकारी तत्त्वजात । सगुण रूपे वृक्ष होत ।

पुढे लय होता   त्यात । बीज   उरे   सर्वही ॥१॥

एका बीजाचा तो वृक्ष । हजार होती,जग साक्ष ।

तैसा ब्रह्माचाही पक्ष । ऐसे  संत   बोलती ॥२॥

जेव्हा तत्त्व नव्हते काही । स्थूल जागृतीही नाही।

तेव्हा सूक्ष्म ब्रह्म राही । सर्वकाळ तेथे रे ! ॥३॥

ॐशब्दाच्या पासुनी । झाली प्रगट मायाराणी ।

तीन गुण ते घेऊनी । आली तत्त्वे  रचाया ।।४॥